കൊച്ചി: യാത്രക്കാര്‍ക്ക് വിഷുക്കൈ നീട്ടവുമായി കൊച്ചി മെട്രോ.100 പേരിലധികമുള്ള ഗ്രപ്പുകള്‍ക്ക് 50 ശതമാനം ഇളവ്.സ്‌കൂളുകളെയും, കോളേജുകളെയും, വിനോദസഞ്ചാരികളെയും ഉള്‍പ്പെടെ കൊച്ചി മെട്രോയിലേക്ക് ആകര്‍ഷിക്കുന്നതിനായാണ് കൊച്ചി മെട്രോ ഗ്രൂപ്പ് ടിക്കറ്റുകള്‍ക്ക് ഇളവ് ഏര്‍പ്പെടുത്തുന്നത്. 50 പേരിലധികമുളള ഗ്രൂപ്പ് ബുക്കിംഗുകള്‍ക്ക് മാക്‌സിമം ടിക്കറ്റ് നിരക്കായ 60 രൂപയില്‍ നിന്ന് 25 ശതമാനം ഇളവ് ലഭിക്കും. ഏത് സ്‌റ്റേഷന്‍ മുതല്‍ ഏത് സ്‌റ്റേഷന്‍ വരെയും യാത്ര ചെയ്യാവുന്ന സിംഗിള്‍ ജേര്‍ണി ടിക്കറ്റിന് ഇത് പ്രകാരം 45 രൂപയായിരിക്കും നിരക്ക്. 100 പേരിലധികമുള്ള ഗ്രൂപ്പുകള്‍ക്ക് സിംഗില്‍ ജേര്‍ണി ടിക്കറ്റ് ബുക്ക് ചെയ്യുമ്പോള്‍ 50 ശതമാനം ഇളവ് ലഭിക്കും. അതായത് നൂറ് പേരടങ്ങുന്ന ഗ്രൂപ്പിന് ഒരു ടിക്കറ്റിന് 30 രൂപയായിരിക്കും നിരക്ക്. ഗ്രൂപ്പ് ടിക്കറ്റ് യാത്രയ്ക്ക് ഒരു ദിവസം മുന്‍പെങ്കിലും ബുക്ക് ചെയ്യേണ്ടതാണ്. ഗ്രൂപ്പ് ടിക്കറ്റ് ബുക്ക് ചെയ്യുന്നതിനായി കൊച്ചി മെട്രോയുടെ വെബ്‌സൈറ്റില്‍ ട്രാവല്‍ ഇന്‍ഫര്‍മേഷന്‍ എന്ന ടാബിന് കീഴിലെ ഗ്രൂപ്പ് ബുക്കിംഗ് ലിംങ്കില്‍ നല്‍കിയിരിക്കുന്ന ഫോം ഫില്‍ ചെയ്യേണ്ടതാണെന്ന് കെഎംആര്‍എല്‍ അധികൃതര്‍ അറിയിച്ചു